ورلڈ کراٹے چمپئن شپ سعدی عباس نے پانچویں پوزیشن حاصل کرلی
لاہور(سپورٹس رپورٹر) ورلڈ کراٹے فیڈریشن کے زیر اہتمام منعقد ہونے والی ورلڈ کراٹے چیمپیئن شپ میں پاکستان کے سعدی عباس نے پانچویں پوزیشن اپنے نام کی۔ استنبول ترکی میں منعقد ہونے والی چیمپیئن شپ میں پاکستان کے سعدی عباس نے سیمی فائنل مرحلہ تک رسائی حاصل کی جہاں انہیں جاپانی کھلاڑی کے ہاتھوں شکست کا سامنا کرنا پڑا۔ اس سے قبل سعدی عباس نے پہلی فائیٹ میں ایرانی کھلاڑی علی اکبرائی کے خلاف تین صفر سے کامیابی اپنے نام کی۔ دوسری فائیٹ ترکی کے ورلڈ سلور میڈلسٹ ارمان التیمور کو دوصفر سے زیر کیا۔ تیسرے میچ میں جرمنی کے خلاف کے خلاف کامیابی حاصل کی جبکہ کوارٹر فائنل میں مونٹی نیگرو کو شکست دیکر سیمی فائنل تک رسائی حاصل کی۔
