گجرات (نامہ نگار) کنجاہ روڈ پر کھیتوں سے درجنوں گدھوں کا گوشت برآمد ہوا‘ کھالیں غائب تھیں۔ تفصیل کے مطابق پولیس نے نواحی گاؤں منڈ کے قریب منڈی مویشیاں کے ساتھ ویرانے سے درجنوں گدھوں کا گوشت برآمد کیا‘ جن کی کھالیں غائب تھیں۔ ان گدھوں کی تعداد 70 کے قریب ہے۔ مقامی لوگوں نے اتنی بڑی تعداد میں کھالیں اترتے دیکھ کر پولیس کو اطلاع کر دی تھی جس پر تھانہ کنجاہ‘ تھانہ رحمانیہ اور شاہین چوکی کے اہلکار موقع پر پہنچ گئے اس سے قبل ملزمان دو موٹر سائیکلیں چھوڑ کر فرار ہو گئے جو پولیس نے قبضے میں لے لیں‘ ملزمان کی تلاش شروع کر دی تاہم رات گئے تک مقدمہ درج نہ ہو سکا۔