لاہور(سپورٹس رپورٹر) پاکستان کرکٹ بورڈ کے زیر اہتمام ڈومیسٹک کرکٹ کے سب سے بڑے ٹورنامنٹ قائد اعظم ٹرافی 2017-18ءکا آج سے ملک کے مختلف سنٹرز میں شروع ہوگا۔ 26 سے 29 ستمبر تک کھیلے جانے والے پہلے راونڈ میں قذافی سٹیڈیم لاہور میں واپڈا اور لاہور بلیوز کی ٹیمیں مد مقابل ہونگی۔ ایبٹ آباد کرکٹ سٹیڈیم ایبٹ آباد میں پشاور ریجن اور سوئی نادرن گیس پائپ لائن کی ٹیمیں مد مقابل ہونگی۔ ڈائمنڈ گراونڈ اسلام آباد میں اسلام آباد ریجن اور سوئی سدرن گیس کمپنی۔ اقبال سٹیڈیم فیصل آباد میں فیصل آباد ریجن اور نیشنل بنک آف پاکستان۔ پول بی میں یو بی ایل گراونڈ کراچی میں کراچی وائٹس اور یو بی ایل، پنڈی کرکٹ سٹیڈیم راولپنڈی میں راولپنڈی ریجن اور کے آر ایل ٹیمیں مد مقابل ہونگی۔ جناح سٹیڈیم سیالکوٹ میں فاٹا اور ایچ بی ایل کی ٹیموں کے درمیان میچ کھیلا جائیگا۔ ایل سی سی اے گراونڈ لاہور میں لاہور وائٹس اور پی ٹی وی مد مقابل ہونگی۔