فیروز والہ + ساہیوال+ شیخوپورہ+ شاہپور صدر (نمائندہ نوائے وقت+ نمائندہ خصوصی+ نامہ نگاران) طالبہ سے اجتماعی زیادتی‘ مختلف شہروں میں 2 خواتین بھی شکار ہو گئیں۔ شیخوپورہ تھانہ فیروزوالہ کے علاقہ شمع کالونی میں 6 اوباشوں نے سکول طالبہ کو اغوا کرکے نامعلوم مقام پر لیجاکر اجتماعی زیادتی کا نشانہ بنا ڈالا، طالبہ کو نیم بیہوشی کی حالت میں ہسپتال داخل کرا دیا گیا، پولیس نے ملزمان کی تلاش شروع کردی اور طالبہ کے والدین نے ملزمان کے خلاف مقدمہ کے اندراج کیلئے درخواست دیدی۔ شاہ پور صدر کے قریبی قصبہ نواب پور میں ادھیڑ عمر خاتون کنیز فاطمہ کے گھر میں تین نامعلوم افراد داخل ہو گئے‘ ایک ملزم نے زیادتی کا نشانہ بنا ڈالا دو ملزمان پہرہ دیتے رہے۔ پولیس نے تین نامعلوم ملزمان کے خلاف مقدمہ درج کر لیا۔ ساہیوال کے نواحی چک 134/9-L کی ثنا حبیب بس کے انتظار میں جوہر ٹاﺅن کے قریب شرقی بائی پاس پر کھڑی تھی کہ محمد اسلم ساتھی اسلحہ کے زور پر گاڑی میں ڈال کر لے گئے۔ چک 85/5-L میں اسے ہوس کا نشانہ بنایا جہاں ثنا حبیب بھاگ گئی‘ ملزموں نے اس سے 80ہزار نقدی اور موبائل بھی چھین لیا۔ علاوہ ازیں فیروز والہ کے نامہ نگار کے مطابق کالا خطائی روڈ کی آبادی ................ اوباش نوجوانوں رمضان اور شبیر احمد نے محنت کش کے بیٹے ابرار رضا کو خوف زدہ کرکے اس کے ساتھ زبردستی زیادتی کی فرار ہو گئے فیروز والا پولیس نے ملزموں کے خلاف مقدمہ درج کر لیا ہے شاہدرہ میں اوباش نوجوانوں نے جواں سال خاتون کے ساتھ زبردستی زیادتی کی فرار ہو گئے پولیس نے واقعہ کی رپورٹ درج کر لی ہے۔ اوباش نے گن پوائنٹ پر 8 سالہ بچے کو زیادتی کا نشانہ بنا ڈالا۔ لدھیوالا وڑائچ کے محلہ نئی آبادی کے طالبعلم 8 سالہ رفاقت کو اوباش قیصر شوکت نے گھر بلا کر زیادتی کا نشانہ بنا دیا۔ مزاحمت پر بچے کو تشدد کا نشانہ بھی بنایا۔ زیادتی کا شکار بچے کے والد نے ملزم قیصر کے خلاف مقدمہ کیلئے تھانہ لدھیوالا وڑائچ پولیس کو درخواست دیدی۔