لاہور (خصوصی نامہ نگار) انجمن اہلحدیث لاہور کے صدر اور جامع محمدی اہلحدیث سنت نگر فردوس پارک کے خطیب مولانا فضل الرحمن بن محمد نے اجتماع سے خطاب کرتے ہوئے کہا کہ اللہ تعالیٰ نے نبی پاک کو جو عظمتیں اوررفعتیں عطا فرمائی ہیں وہ کسی اور پیغمبر کو ودیعت نہیں کی گئیں۔ یہ کفار کو پتہ ہے کہ اگر مسلمان ایک ہوکر نبی کریم کی سنتوں اور احکامات پر عمل کریں تو وہ دنیا پر چھا جائیں گے اور کوئی ان کا مقابلہ نہیں کرسکے گا۔ اس لئے ان کے اتحاد، وحدت اور یکجہتی میں دراڑیں ڈال رہے ہیں ان کو ناکام بنانا ہر ذی شعور مسلمان کا فرض ہے۔