فیصل آباد: منشیات فروشوں کیخلاف کارروائی 2 افراد گرفتار‘ 4 من چرس‘ کلو افیون برآمد
فیصل آباد (نمائندہ خصوصی) سی آئی اے اقبال ٹائون کی منشیات فروشوںکیخلاف کارروائی 2ملزمان گرفتار، 4من سے زائد منشیات برآمد ایس پی سی آئی اے ناصر سیال کی سربراہی میں انچارج سی آئی اے اقبال ٹائون انسپکٹر مجید گجر نے مخبر کی اطلاع پر کارروائی کرتے راجباہ روڈ روشن سی این جی چوک میں ناکہ لگایا اسی دوران ایک کار کو روک کر چیک کیا جس میں دو افراد محمد عرفان، شہزاد حمید اور کار کی چیکنگ کے دوران 4 من چرس اور 6 کلو گرام افیون برآمد ہوئی۔ سی پی او فیصل آباد اطہر اسماعیل نے انچارج سی آئی اے اقبال ٹائون انسپکٹر مجید گجر، محمد عارف اے ایس آئی کے ساتھ ملازمین کو نقد انعام اور تعریفی سرٹیفیکیٹ دینے کا اعلان کیا۔
