ساہیوال (نمائندہ نوائے وقت) ساہیوال اولڈ ہڑپہ روڈ پر میر داد معافی جھال کے قریب دو موٹر سائیکلوں کی ٹکر کے نتیجہ میں 3افراد جاں بحق ایک شدید زخمی ہو گیا۔ ڈسپنسری روڈ کا طارق سیلز مین اور ہڑپہ کے غلام مرتضیٰ اور غلام مصطفی اور تیمور دو موٹر سائیکلوں پر مخالف سمت سے آرہے تھے کہ ایک سائیکل سوار کو بچاتے ہوئے دونوں موٹر سائیکل آپس میں ٹکرا گئے جس کے نتیجہ میں طارق موقع پر جاں بحق جبکہ غلام مرتضیٰ اور غلام مصطفی نے راستے میں دم توڑ دیا اور تیمور کو ہسپتال داخل کرا دیا گیا ہے جہاں اس کی حالت بھی تشویش ناک ہے۔