پاکستان ہاکی فیڈریشن نے 2انٹر نیشنل ٹورنا منٹس کی میزبانی کی نوید سنادی
لاہور(نمائندہ سپورٹس) صدر پاکستان ہاکی فیڈریشن خالد کھوکھرنے کہاہے کہ نومبر میں ہاکی ورلڈ الیون کی ٹیم پاکستان آئیگی جبکہ پاکستان سپر ہاکی لیگ آئندہ سال اپریل میں ہوگی۔پی ایچ ایف نے مستقبل قریب میں 2 بڑے انٹرنیشنل ایونٹس پاکستان میں ہونے کی نوید سنا دی ہے۔ صدر پاکستان ہاکی فیڈریشن بریگیڈیئر (ر) خالد کھوکھر کا کہنا تھا کہ نشان حیدر ہاکی ٹورنامنٹ سے انٹر نیشنل ایونٹس کی ریہرسل کر لی ہے، نومبر میں ورلڈ الیون کی ٹیم پاکستان آئے گی۔
