لاہور (سپورٹس رپورٹر) پاکستان بلائنڈ کرکٹ کونسل کے زیر اہتمام پانچویں عالمی بلائنڈ کرکٹ کپ کی تیاری کیلئے قومی کھلاڑیوں کے تربیتی کیمپ کے دوسرے مرحلے کا آغاز 22 اکتوبر سے شروع ہوگا۔ تربیتی کیمپ فیصل آباد کے اقبال سٹیڈیم میں لگاےا جائے گا۔ پاکستان بلائنڈ کرکٹ کونسل کے چیئرمین سید سلطان شاہ کے مطابق ورلڈ کپ کی تیاری کیلئے تربیتی کیمپ میں اوکاڑہ کیمپ سے شارٹ لسٹ شدہ 23 کھلاڑیوں کو مدعو کیا گیا ہے جن کھلاڑیوں کو مدعو کیا گیا ہے ان میں عامر اشفاق، ظفر اقبال، محمد ایاز، ریاست خان، محمد آصف، محمد اسامہ، ہارون خان، معین علی، بدر منیر، انیس جاوید، نثار علی، محمد ایوب خان، ذیشان عباسی، محمد جمیل، محسن خان، اسرار الحسن، محمد اعجاز، مطیع اللہ، محمد راشد، کامران اختر، ثنا اللہ اور راہد اللہ شامل ہیں۔کھلاڑیوں کو کوچ عبدالرزاق اور ٹرینر طاہر محمود بٹ تربیت دیں گے۔ انہوں نے کہا کہ ورلڈ کپ کیلئے تربیتی کیمپ کا دوسرا مرحلہ 22 سے29 ستمبر کو فیصل آباد اور حتمی ٹیم کا تیسرا کیمپ کراچی میں لگایا جائے گا۔ انہوں نے کہاکہ ورلڈ کپ کیلئے 17 رکنی حتمی ٹیم کا نومبر کے پہلے ہفتے میں اعلان کر دیا جائے گا۔