لاہور (سپورٹس ڈیسک) پاکستان بلائنڈ کرکٹ سپر لیگ کاآغاز آج سے ہو رہا ہے۔ سپر لیگ میں ملک بھر سے 5 ٹیمیں شرکت کریں گی۔ ایونٹ15 اکتوبر تک جناح سٹیڈیم گوجرانوالہ میں جاری رہے گا۔ تفصیلات کے مطابق پاکستان بلائنڈ کرکٹ کونسل کی زیراہتمام پاکستان بلائنڈ کرکٹ سپر لیگ 10 سے 15 اکتوبر تک جناح سٹیڈیم گوجرانوالہ میں کھیلا جائے گا۔ سپر لیگ میں ملک بھر سے 5 ٹیمیں اسلام آباد، پشاور، گوجرانوالہ، بہاولپور اور آزاد جموں و کشمیر کی ٹیمیں شرکت کریں گی۔ایونٹ کی تیاری کے سلسلہ میں کھلاڑیوں کا تربیتی کیمپ پی اے ایف کرکٹ گراﺅنڈ پر جاری تھا جہاںتربیتی کیمپ میں 30 کھلاڑیوں نے حصہ لیا تھا۔ کیمپ سے منتخب ٹیم پاکستان بلائنڈ کرکٹ کونسل کے زیر اہتمام آج سے جناح سٹیڈیم گوجرانوالہ میں پاکستان بلائنڈ کرکٹ سپر لیگ میں شرکت کرےگی۔