گوجرانوالہ+نوشہرہ ورکاں(نمائندہ خصوصی+نامہ نگار) دو حادثات میں 2 مزدوروں سمیت 3 افراد جاں بحق جبکہ 2 شدید زخمی ہوگئے۔پہلا حادثہ نوکھرروڈ پر رڑوالہ پُل نہر کے قریب ہوا جس میں ایک خاتون سمیت 2 افراد ہلاک جبکہ 2 مزدورشدید زخمی ہوگئے۔محنت کش یونس اہل خانہ کے ہمراہ کھیتوں میں دھان کا بھوسہ اکٹھا کرکے گدھاگاڑی پر گھر آرہاتھا کہ پیچھے سے آنے والی تیز رفتار ٹریکٹرٹرالی انکے اُوپر چڑھ گئی جس کے نتیجے میں محمد بوٹا اور اسکی بھابی رقیہ بی بی موقع پر ہی جاں بحق جبکہ یونس اور رمضان شدید زخمی ہوگئے جن کو ہسپتال منتقل کردیا گیا ۔ دوسراحادثہ نوکھراڈاکے قریب پیش آیا جس میں علی پور چٹھہ کا محکمہ انہار کا ملازم رشید علی تیز رفتار ویگن کی موٹرسائیکل کو ٹکرلگنے سے موقع پر دم توڑ گیا۔