ملتان سلطانز کے9 کھلاڑیوں کا اعلان‘شعیب کو کپتان بنانےکا فیصلہ
لاہور(سپورٹس رپورٹر +نمائندہ سپورٹس )پاکستان سپر لیگ کی نئی ٹیم ملتان سلطانز نے ابتدائی9 کھلاڑیوں کے ناموں کا اعلان کردیا ہے۔ ملتان سلطانز نے گزشتہ ایونٹ میں کراچی کنگز کی نمائندگی کرنے والے شعیب ملک، کیرن پولارڈ اور کمار سنگاکارا کو ٹیم میں شامل کیا ہے۔اس کے علاوہ سہیل تنویر، محمد عرفان، صہیب مقصود، عرفان خان، جنید خان اور کاشف بھٹی بھی ٹیم کا حصہ ہیں۔ملتان سلطان کی جانب سے ابھی تک کپتان کے نام کا اعلان نہیں کیا گیا تاہم ذرائع کے مطابق پی ایس کے پہلے ایڈیشن میں کراچی کنگز کی قیادت کرنے والے شعیب ملک کو ملتان سلطانز کا کپتان بنانے کا فیصلہ کرلیا ہے۔پاکستان سپر لیگ کے تیسرے ایڈیشن کیلئے ڈرافٹ کا انعقاد 15 اکتوبر کو متوقع ہے۔
