ساہیوال +پاکپتن+ سیالکوٹ+قصور ( نمائندہ نوائے وقت+نامہ نگاران) مختلف واقعات یں آٹھویں جماعت کی طالبہ سمیت دو خواتین اور نوجوان کو زیادتی کا نشانہ بنا دیا گیا۔ پاشا سٹریٹ میں شاہدرہ ٹائون لاہور کی شازیہ اپنی کزن شاہ بانو کے گھر ساہیوال مہمان آئی تھی کہ عطائی فارو ق کے کلینک پر دانت میں تکلیف کے سبب گئی جہاں فاروق نے ساتھی کی مددسے شازیہ کو زیادتی کا نشانہ بنا ڈالا جبکہ نواحی چک 6-95آ ر میں عزیز دلدار کی بیٹی آٹھویں جماعت کی لائبہ اور اسکے کزن عبدالسعید کو علی اور اسکے ساتھی نے گھر جاتے اغوا کر لیا اور نا معلوم مقام پر ملزم علی نے لائبہ کو زیادتی کا نشانہ بنا ڈالا ۔ ملزم کو گرفتار کر لیا گیا۔ پاکپتن کے نواحی گائوں 29/ ایس پی کی سکینہ بی بی کا شوہر عاشق گھر میں موجود نہ تھا جس دوران ملزم اسحاق گھر میں داخل ہو گیا اور خاتون کو جان سے مارنے کی دھمکیاں دے کر زیادتی کا نشانہ بنا دیا۔سیالکوٹ کے علاقہ پریم نگر میں 14 سالہ گھریلو ملازمہ نادیہ کو ملزم عارف نے بلیک میل کرکے تعلقات قائم کرلئے قابل اعتراض ویڈیو بناکر اسے زیادتی کا نشانہ بناتا رہا جس سے لڑکی حاملہ ہوگئی۔قصور کے علاقہ گنڈا سنگھ والا میں تین ملزموں وقاص، اشرف اور انکے نامعلوم ساتھی نے 18 سالہ سلیم کو اغوا کے بعد شراب کے نشے میں دھت ہو کر اجتماعی زیادتی کا نشانہ بنادیا۔