لاہور(نمائندہ سپورٹس)ایشیا کپ ہاکی ٹورنامنٹ میں آج پاکستانی ٹیم روایتی حریف بھارت کے مدمقابل ہو گی، میچ پاکستانی وقت کے مطابق سہ پہر ساڑھے 4 بجے ہو گا۔بھارتی ٹیم ایونٹ میں مسلسل دو فتوحات کے ساتھ پہلے ہی سپر فور راونڈ میں جگہ بنا چکی ہے، جاپان کے ساتھ میچ ڈرا ہونے کی وجہ سے پاکستان کو اگلے راونڈ میں رسائی کیلئے بھارت کےخلاف فتح درکار ہے، جاپان کی بنگلہ دیش کے ہاتھوں شکست پر بھی گرین شرٹس کی سپر فور میں رسائی کے امکانات روشن ہو جائینگے۔ پوائنٹس ٹیبل پر پاکستان کو جاپان پر 7 گولز کی برتری حاصل ہے ۔پاکستان (1982، 1985 اور 1989)میں فاتح رہی تھی۔پاکستان اور بھارت کے درمیان 169میچ کھیلے گئے ‘پاکستان نے 82‘بھارت نے 57میں کا میابی حاصل کی۔

گرین شرٹس کا پلڑا بھاری ہے۔جبکہ بھارت دو مرتبہ ٹائٹل اپنے نام کر چکاہے، ایشیا کپ میں پاکستان اور بھارت کی ٹیمیں 6 مرتبہ آمنے سامنے آ چکی ہیں جن میں 5 فتوحات کے ساتھ گرین شرٹس کا پلڑا بھاری ہے ، بھارتی ٹیم ایک ہی میچ جیت پائی ہے۔