قائد اعظم ٹرافی کے چوتھے مرحلے کا آغازآج ہو گا
اسلام آباد (اے پی پی) پاکستان کرکٹ بورڈ (پی سی بی) کے زیر اہتمام قائد اعظم ٹرافی کے چوتھے مرحلے کا آغاز (آج) اتوار سے ملک کے مختلف شہروں میں ایک ساتھ ہو گا، ایس ایس جی سی اور یو بی ایل کی ٹیمیں اپنے اپنے گروپس میں سرفہرست ہیں۔ تفصیلات کے مطابق ملک کے مختلف شہروں میں جاری ایونٹ میں (آج) اتوار کو مزید آٹھ میچز ایک ساتھ شروع ہوں گے، اقبال سٹیڈیم فیصل آباد میں فیصل آباد اور ایس ایس جی سی، ڈائمنڈ کلب گرائونڈ اسلام آباد میں اسلام آباد اور این بی پی کی ٹیمیں مدمقابل ہونگی۔
