فیروزوالہ/ فیصل آباد/ سیالکوٹ (نامہ نگاران ) مختلف واقعات میں گھریلو حالات سے دلبرداشتہ تین بچوں کی ماں سمیت 3 افراد نے زندگی ختم کرلی۔ فیروزوالہ میں جی ٹی روڈ کی آبادی امامیہ کالونی کے قریب (ش) نے زہریلی گولیاں نگل لیں۔ حالت غیر ہونے پر اسے ہسپتال لے جایا گیا مگر وہ جانبر نہ ہوسکی۔ فیصل آباد میں 20 سالہ نوجوان عارف نے نہر میں کود کر اپنی زندگی کا خاتمہ کر لیا جبکہ سیالکوٹ ریٹائرڈ فوجی 55سالہ خالد محمود نے حالات سے تنگ آکر اپنے سر میں گولی مار کر خودکشی کی۔