ساہیوال (نمائندہ نوائے وقت)ساہیوال اور گردنواح میںٹریفک حادثات ،2 افراد جاں بحق11زخمی ہوگئے ۔ محلہ نور پارک ساہیوال کے ایک خاندان کے 7 افراد بھی شامل ہیں، 4 کی حالت نازک ہے۔ گیمبر نور شاہ روڈپر چک4-54آر کے قریب ایک تیز رفتا رموٹر سائیکل ٹریکٹر ٹرالی سے ٹکرانے کے نتیجہ میں لاہور کا ایک سرکاری اہلکار دلنواز جاں بحق اور اسکا چچا میر جان شدید زخمی ہوگیا ۔ متوفی دلنواز لاہور سے چھٹی پر اپنے سسرال موٹر سائیکل پر رات کو جا رہا تھا کہ اندھیرے میں خراب کھڑی ٹریکٹر ٹرالی سے ٹکرگئے۔ ساہیوال قطب شہانہ رو ڈ پر راوی پل کے قریب دو موٹر سائیکل ایک دوسرے سے ٹکرانے کے نتیجہ میں موٹر سائیکل سوار شبیر احمد 14سالہ جاں بحق ، چک 6-88آر کی 5سالہ نور فاطمہ اور اسکا باپ اصغر اور گلستان کالونی کا 32سالہ شکیل شدید زخمی ہو گئے ۔ ساہیوال لاہور روڈ پر شرقی بائی پاس کے قریب وین الٹنے سے محلہ نور پارک کے ایک ہی خاندان کے 7 افراد شدید زخمی ہوگئے جن میں 30 سالہ غزل، 50 سالہ نذیر، 16 سالہ رمشا، 18 سالہ تنزیلہ، 25 سالہ سلمیٰ، 45 سالہ حمیداں اور 10 سالہ شاہ زیب شامل ہیں۔