کوٹلی (صباح نیوز) لائن آف کنٹرول پر بھارتی فوج کی بلااشتعال فائرنگ سے خواتین اور بچوں سمیت 8 افراد زخمی ہوگئے۔آزاد کشمیر میں ضلع کوٹلی کے سینئر سپرنٹنڈنٹ پولیس ( چوہدری ذوالقرنین سرفراز نے بتایا کہ بھارتی فورسز نے صبح ساڑھے 6 بجے نکیال سیکٹر پر فائرنگ کا آغاز کیا اور سویلین آبادی کو نشانہ بنایا گیا۔ان کا کہنا تھا کہ 'فائرنگ بہت شدید تھی۔ 8 زخمیوں میں سے کچھ کی حالت تشویش ناک ہے۔ضلع کوٹلی کے ڈسٹرکٹ ہیڈکوارٹرز ہسپتال کے سپرنٹنڈنٹ ڈاکٹر طارق محمود نے بتایا کہ زخمیوں کو مختلف ہسپتالوں میں طبی امداد دی جارہی ہے۔