پی ایس ایل تھری کا ڈرافٹ آئندہ ماہ کے پہلے ہفتے ہو گا
لاہور(نمائندہ سپورٹس +سپورٹس رپورٹر) پی ایس ایل 2018 میں کھلاڑیوں کے انتخاب کے لیے 'پلیئرز ڈرافٹ' اگلے ماہ کے پہلے ہفتے میں لاہور میں ہوگا۔ گذشتہ سال کراچی کنگز، لاہور قلندر، پشاور زلمی، کوئٹہ گلیڈی ایٹرز اور اسلام آباد یونائیٹڈ نے شرکت کی تھی اور فائنل میں پشاور زلمی نے کوئٹہ گلیڈی ایٹرز کو شکست دیکر کامیابی حاصل کی تھی۔سکیورٹی وجوہات کی بنیاد پر تمام میچ متحدہ عرب امارات میں منعقد کیے گئے تھے تاہم فائنل لاہور میں منعقد کیا گیا تھا۔
