نارنگ منڈی، ٹوبہ ٹیک سنگھ، فیصل آباد چار بچوں کی ماں سمیت 3 افراد کی خودکشی
نارنگ منڈی، شیخوپورہ، ٹوبہ ٹیک سنگھ، فیصل آباد (نامہ نگاران+ نمائندہ خصوصی) مختلف واقعات میں چار بچوں کی ماں سمیت 3 افراد نے خودکشی کرلی۔ تھانہ نارنگ منڈی کے علاقہ ننگل کلاں میں چار بچوں کی ماں ساجدہ بی بی نے گھریلو ناچاقی اور تنگدستی کے باعث خاوند سے جھگڑے پر دلبرداشتہ ہو کر گندم میں رکھنے والی زہریلی گولیاں نگل کر زندگی ختم کرلی۔ فیصل آباد میں 18سالہ فرزانہ نے گھریلو حالات سے دلبرداشتہ ہو کر کالا پتھر نگل لیا جبکہ ٹوبہ ٹیک سنگھ میں نوجوان شاہد نے گھریلو جھگڑے پر زہریلی گولیاں کھا کر زندگی کا خاتمہ کر لیا۔
