اسلام آباد: عائشہ قمر باجوہ کا دورہ پاکستان سویٹ ہوم‘ 3لاکھ روپے عطیہ کا اعلان
اسلام آباد (نوائے وقت رپورٹ) پاکستان سویٹ ہومز کے بچوں اور بچیوں کیلئے پروگرام میں آرمی چیف جنرل قمر جاوید باجوہ کی اہلیہ محترمہ عائشہ قمر باجوہ نے بطور مہمان خصوصی شرکت کی۔ سرپرست اعلیٰ زمرد خان نے کہا کہ شمالی وزیرستان میں پہلے سویٹ ہوم سنٹر کا افتتاح ہونیوالا ہے۔ شمالی وزیرستان میں سویٹ ہومز سنٹر کے قیام میں تعاون پر پاک فوج کا شکر گزار ہوں‘ آرمی چیف کی اہلیہ نے پاکستان سویٹ ہوم کے بچوں کیلئے 3لاکھ روپے عطیہ کا اعلان کیا۔
