قلاہور (سپورٹس رپورٹر+نمائندہ سپورٹس) ایشیا ہاکی کپ کے سپر فور راو¿نڈ میں پاکستان اور جنوبی کوریا کے درمیان مقابلہ ایک ایک گول سے برابر رہا۔ گرین شرٹس کی جانب سے واحد گول اعجاز احمد نے کیا۔ پہلے ہاف میں گرین شرٹس کے اعجاز احمد نے ٹیم کو برتری دلائی تاہم وقفے کے بعد کورین ٹیم نے مقابلہ برابر کر دیا۔ چوتھے کوارٹر میں پاکستان کوکئی مواقع ملے تاہم کامیابی نہ مل سکی اور مقابلہ ایک ایک گول سے برابررہا۔ میچ کے بہترین گول کا ایوارڈ اعجاز احمد کو ملا جبکہ محمد رضوان سینئرمین آف دی میچ قرار پائے ۔قومی ٹیم کل بھارت کے خلاف کھیلے گی ۔پاکستانی ہائی کمیشن ڈھاکہ نے قومی ہاکی ٹیم کے اعزاز میں عشائیہ دیا جس میں کھلاڑیوں‘ آفیشلزاور سفارتخانے کے حکام نے شرکت کی۔