لاہور(نمائندہ سپورٹس+سپورٹس رپورٹر) پاکستانی سٹار اعصام الحق کی جوڑی نے سٹاک ہوم اوپن ٹینس ٹورنامنٹ میں مینز ڈبلز کے سیمی فائنل میں رسائی حاصل کر لی۔ اعصام الحق نے ڈچ پارٹنر جین جولین روجرز کےساتھ اطالوی جوڑی کو شکست دی۔ یتے ہوئے سیمی فائنل میں جگہ پکی کر لی، ان کی فتح کا سکور7-5 اور7-5 رہا۔ قبل ازیں پہلے مقابلے میں انہوں نے امریکہ کے نکولس مونرو اور آسٹریلیا کے جون پیٹرک سمتھ کو مات دی تھی۔واضح رہے کہ رواں برس اعصام الحق 5 ٹائٹلز اپنے نام کر چکے ہیں، انہوں نے فتوحات کا سلسلہ آکلینڈ اوپن سے شروع کیا، جہاں پر مارسین میٹکووسکی ان کی کامیابی کے حصہ دار بنے تھے، سیزن کی دوسری ٹائٹل فتح انہیں بارسلونا اوپن میں فلورین مرگیا کی سنگت میں ملی، تیسرا ٹائٹل اعصام نے اناطالیا اوپن میں روبرٹ لنزسے کی شراکت میںجیتا، چوتھی ٹرافی ہال آف فیم ٹینس چیمپئن شپ میں حاصل کی جس میں ان کے ساتھی راجیو رام تھے۔ جبکہ یکم اکتوبر کو انہوں نے جوناتھن ایلچ کے ہمراہ چینگڈو اوپن ٹینس ٹورنامنٹ میں مینز ڈبلز ٹرافی پر قبضہ جماتے ہوئے سیزن میں پانچواں ٹائٹل اپنے نام کیا تھا۔۔