پشاور/مردان(بیورورپورٹ+صباح نیوز)پشاور اور مردان میں مختلف کارروائیوں کے دوران 4عسکریت پسند گرفتار ‘ قبضے سے بڑی مقدار میں اسلحہ بر آمد کیا گیا ہے پولیس نے تباہی کا منصوبہ ناکام بناتے ہوئے 2عسکریت پسندوں کو گرفتار کرکے ان کے قبضہ سے بھاری مقدار میں بارودی مواد برآمد کرلیا۔

، ملزمان کے خلاف مقدمہ درج کرکے مزید تفتیش شروع کردی گئی ہے۔پولیس ترجمان کے مطابق صوبائی دارالحکومت میں امن و امان کی فضاءبرقرار رکھنے کےلئے سی سی پی او پشاورمحمد طاہر خان کی ہدایت پر ایس ایس پی آپریشن سجاد خان کی نگرانی میںمختلف مقامات پر خصوصی ناکہ بندی قائم ہے ، ملزمان میں نورحسین ولد محمد گل ،جان زادہ ولد ڈیلے میاں ساکنا ن شانگلہ شامل ہیں جن کے خلاف مقدمہ درج کرکے مزید تفتیش شروع کردی گئی دریں اثناءمردان ر میں سی ٹی ڈی نے کارروائی کرکے کالعدم تنظیم کے 2 دہشت گردوں کو گرفتار کرلیا۔سی ٹی ڈی حکام کے مطابق جعمرات کو سی ٹی ڈی مردان نے کارروائی کرکے کالعدم تنظیم کے 2 دہشت گردوں کو گرفتار کرلیا، دہشت گردوں کے قبضے سے گھی کے ڈبے میں تیار کیے گیے 7 کلوگرام ریموٹ کنٹرول بم سمیت ڈیٹونیٹرنان الیکٹرک، سیفٹی فیوز5 فٹ، پرائما کارڈ 8 فٹ، 1 دستی بم اور موبائل سیٹ بمعہ کارڈ برآمد کیا گیا ہے۔