14 پولیس افسروں کے تبادلے، غلام مصطفی ایس پی سپیشل برانچ فیصل آباد تعینات
لاہور (نامہ نگار) انسپکٹر جنرل پولیس پنجاب کیپٹن (ر) عارف نواز خان نے 14 پولیس افسران کے تقرر و تبادلے کے احکامات جاری کئے ہیں۔ چیف ٹریفک آفیسر فیصل آباد بقاء محمد کو ایڈیشنل ایس پی ہیڈ کوارٹرز گوجرانوالہ، سینئر ٹریفک آفیسر راولپنڈی یوسف علی شاہد کو چیف ٹریفک آفیسر راولپنڈی کی خالی آسامی پر، ایس پی سپیشل برانچ فیصل آباد ریجن افتخار الحق کو ایس ایس پی سپیشل برانچ شیخوپورہ ریجن کی خالی آسامی پر، ایس پی سپیشل برانچ گوجرانوالہ ریجن غلام مصطفی کو ایس پی سپیشل برانچ فیصل آباد ریجن، تقرری کے منتظر ایس پی بہار احمد شاہ کو ایس پی سکیورٹی راولپنڈی کی خالی آسامی پر، میجر ریٹائرڈ رانا قیصر محبوب کو ڈپٹی ڈائریکٹر سکیورٹی سائوتھ ون، ایس پی یو لاہور میجر ریٹائرڈ غلام صفدر خان کو ڈپٹی ڈائریکٹر سکیورٹی نارتھ ون ، ایس پی یو لاہور، میجر ریٹائرڈ دائود اسلم کو ڈپٹی ڈائریکٹر سکیورٹی سنٹرل ٹو، ایس پی یو لاہور، میجر ریٹائرڈ محمد عبداللہ عمر کو ڈپٹی ڈائریکٹر سکیورٹی نارتھ ٹو، ایس پی یو لاہور لیفٹیننٹ کرنل ریٹائرڈ کامران مشتاق ملک کو ایڈیشنل ڈائریکٹر سائوتھ ایس پی یو پنجاب لاہور، لیفٹیننٹ کرنل ریٹائرڈ محمد شاہد کو ایڈیشنل ڈائریکٹر نارتھ ایس پی یو پنجاب لاہور، لیفٹیننٹ کرنل ریٹائرڈ ندیم خان کو ایڈیشنل ڈائریکٹر سنٹرل ایس پی یو پنجاب لاہور جبکہ ڈپٹی ڈائریکٹر سکیورٹی نارتھ ٹو ایس پی یو لاہور میجر ریٹائرڈ مبشر حسین کو سنٹرل پولیس آفس پنجاب لاہور میں رپورٹ کرنے کے احکامات جاری کئے ہیں جبکہ ایس ڈی پی او کہروڑ پکا لودھراںڈی ایس پی محمد کاشف عبداللہ کو اے ڈی آئی جی بہاولپور ریجن کی خالی آسامی پر تعینات کر دیا ہے ۔
