لاہور (وقائع نگار خصوصی) لاہور ہائیکورٹ نے تحریک انصاف کے منتخب بلدیاتی نمائندوں کو فنڈز فراہم نہ کرنے کے خلاف دائر درخواست پر فریقین کی باہمی رضا مندی پر کارروائی ایک روز کیلئے ملتوی کر دی۔ جسٹس شمس محمود مرزا نے ضلع قصور کی یونین کونسل کے 91 کے چیئرمین سمیت دیگر کی درخواستوں پر سماعت کی جس میں الزام لگایا گیا کہ حکومت پنجاب نے قصور میں اپوزیشن جماعت تحریک انصاف کے منتحب بلدیاتی نمائندوں کو فنڈز جاری نہیں کر رہی۔ حکومت پنجاب کا تحریک انصاف کے چیئرمینز کو فنڈز فراہم نہ کرنا امتیازی سلوک ہے جس کی آئین اجازت نہیں دیتا۔