فیصل آباد، منکیرہ، حیدر آباد تھل، ساہیوال، پنڈی بھٹیاں (نمائندہ خصوصی) مختلف واقعات میں گھریلو جھگڑوں اور حالات سے دلبرداشتہ 5 افراد نے زندگی ختم کرلی۔ فیصل آباد میں چک 199/ر۔ب گٹ والا میں 27 سالہ شاہد اور 33 سالہ آصف نے گھریلو جھگڑے سے دلبرداشتہ ہو کر گندم میں رکھنے والی زہریلی گولیاں نگل لیں۔ منکیرہ کے نواحی علاقہ گلی والا میں 25 سالہ غلام شبیر نے گھریلو ناچاقی پر کھیتوں میں جاکر درخت سے لٹک کر پھندا لے لیا۔ ساہیوال، عارفوالا روڈ کی آبادی 34 کے غلام مرتضیٰ نے والدین سے جھگڑے پر زہر نگل لیا جبکہ پنڈی بھٹیاں کے نواحی گائوں چھنی قاسم کے آصف نے پسند کی شادی نہ ہونے پر زہریلی گولیاں کھا کر زندگی ختم کرلی۔