لاہور +گوجرانوالہ(نامہ نگار+نمائندہ خصوصی)کاؤنٹر ٹیررازم ڈیپارٹمنٹ (سی ٹی ڈی) نے گجرپورہ کے علاقہ میں کارروائی کرتے ہوئے دو مبینہ دہشت گر دوں کو گر فتار کرکے ان کے قبضہ سے بھاری مقدار میں دھما کہ خیز مواد، ہینڈ گرنیڈ اور دہشت گردی کے واردات میںاستعمال ہونے والے آلات برآمد کر لئے‘ گرفتار دہشت گردوں کا تعلق کالعدم تنظیم جماعت الاحرارسے بتایا جاتا ہے۔ چائنہ سکیم سے سعید اکبر اور محمد وزیر کو گرفتار کیا گیا‘ نامعلوم مقام پر منتقل کر دیا گیا۔ ذرائع کا کہنا ہے کے دہشت گرد وں نے شہر میں دہشت گردی کی بڑی واردات کی منصوبہ بندی کر رکھی تھی۔دریں اثناء گوجرانوالہ سے نمائندہ خصوصی کے مطابق شاہین آباد کے قریب سی ٹی ڈی نے کارروائی کر کے دو دہشت گرد گرفتار کر کے ان کے قبضہ سے مواد برآمد کر لیا۔ دونوں دہشت گردوں کا تعلق کالعدم تنظیم سے ہے، دونوں دہشت گرد تفریحی مقامات کو نشانہ بنانے کی منصوبہ بندی کر رہے تھے ۔ نا معلوم مقام پر منتقل کر دیا گیا۔

2 گرفتار