لاہور (کلچرل رپورٹر)اداکارہ ماہ نور گوجرانوالہ کے کیپری تھیٹر میں پرفارم کررہی ہیں۔ اداکارہ ماہ نور نے کہا کہ مجھے گوجرانوالہ آ کر بہت خوشی ہوئی ہے میں اپنے چاہنے والوں کی محبت کو کبھی فراموش نہیں کر سکتی۔ میری کوشش ہوتی ہے کہ ڈرامہ بینوں کو صاف ستھری اور معیاری تفریح فراہم کی جائے۔ میں گوجرانوالہ کے تھیٹر میں پہلے بھی پرفارم کرچکی ہوں۔ یہاں کے لوگوں نے میری پرفارمنس ہمیشہ پسند کی ہے۔