گوجرانوالہ ، لدھیوالہ وڑائچ (نمائندہ خصوصی+ نامہ نگار) رقم لین دین کے تنازعہ پر بھانجے نے فائرنگ کر کے خالہ کو موت کے گھاٹ اتار دیا، پو لیس نے نعش ہسپتال منتقل کرکے ملزم کی گرفتاری کیلئے ٹیم تشکیل دے دی۔ بتایا گیا کہ شریف پورہ کی زیتون بی بی، اسکے بھانجے شاہد کے مابین رقم لین دین کا تنازعہ چلا آرہا تھا، اسی تنازعہ پر تلخ کلامی کے بعد جھگڑا ہو گیا تو ملزم نے فائرنگ کر دی جس کے نتیجے میں گولیاں لگنے کے باعث زیتون بی بی موقع پر ہی زخموں کی تاب نہ لاتے ہوئے جان کی بازی ہار گئی جبکہ ملزم فرار ہو گیا۔دریں اثنا لدھیوالہ وڑائچ کے اصغر اور اویس کے درمیان گھریلو تنازعہ پر جھگڑا ہو گیا جس پر بڑے بھائی اصغر نے کلہاڑی سے وار کر کے اپنے چھوٹے بھائی اویس کو قتل کردیا۔ لدھیوالا وڑائچ پولیس نے نعش ہسپتال منتقل کر کے تحقیقات شروع کر دی۔ پو لیس نے ملزم کو گرفتار کر لیا۔