کراچی(صباح نیوز)سندھ کے صوبائی وزیر اطلاعات ناصر شاہ نے کہا ہے کہ نیب کا دہرا رویہ سب نے دیکھ لیا، نیب کا پیپلز پارٹی سے الگ اور ن لیگ سے الگ رویہ ہے۔صوبائی وزیر اطلاعات نے میڈیا سے گفتگو کرتے ہوئے کہا کہ کل سے ڈرامہ چل رہا تھا نیب والے یہ کریں گے وہ کریں گے۔ انہوں نے کہا نواز شریف کس شاہانہ انداز سے آئے۔انہوںنے کہا کہ ایک وفاقی وزیر باہر گھوم رہے ہیں اور ان کا نام ای سی ایل میں نہیں ڈالا جاتا ۔انہوں نے شکوہ کیا ن لیگ کے کسی ممبر کا نام ای سی ایل میں نہیں ڈالا گیا۔