اسلام آباد (صباح نیوز) پاکستان کے ممتاز شاعر احمد فراز مرحوم کے چوری شدہ میڈلز و ایوارڈز اسلام آباد پولیس برآمد کرنے میں کامیاب ہو گئی چار ملزمان گرفتار جبکہ تین افغانستان فرار ہو گئے ہیں۔ تفصیلات کے مطابق گزشتہ سال اسلام آباد میں شاعر دانشور احمد فراز مرحوم کے گھر میں چوری کی واردات کے دوران ملزمان نے مختلف ادوار میں ملنے والے اعزازات چوری کر کے فرار ہو گئے تھے ان میں صدارتی ایوارڈ، نشان پاکستان اور ہلال پاکستان کے اعزازات شامل تھے گزشتہ روز آئی جی اسلام آباد نے چوری کی اس واردات کے ڈراپ سین ہونے کی تفصیلات سے آگاہ کیا سات ملزمان میں چار گرفتار تین افغانستان فرار ہو گئے ہیں ان ملزمان کی گرفتاری کے لئے ایف آئی اے کی خدمات حاصل کر لی گئی ہیں۔ چیئرمین کمیٹی رحمان ملک نے برآمد ہونے والے اعزازات نشان پاکستان اور ہلال امتیاز سینیٹر شبلی فراز کے سپرد کر دئیے۔