کراچی: رینجرز کارروائیاں، شیش ناگ حاجی بابا سمیت 8 ملزمان گرفتار
کراچی (نوائے وقت رپورٹ) رینجرز نے کراچی کے مختلف علاقوں میں کارروائی میں آٹھ ملزمان گرفتار کرلئے۔ ترجمان کے مطابق ملیر سٹی سے ملزم علی زیدی عرف شیش ناگ گرفتار کرلیا گیا۔ ملزم 1992ء میں ایم کیو ایم کے کا رکن عمران کے قتل میں ملوث ہے۔ لیاری سے ملزم احمد عرف حاجی بابا کو گرفتار کرلیا۔ ملزم 2012ء میں کچھی اور ہنگورہ کمیونٹی کے فسادات میں ملوث ہے۔ کورنگی، لیاقت آباد، لیاری اور عیدگاہ سے چار ملزمان گرفتار کرلئے۔ ملزمان ڈکیتی، موبائل فون اور موٹر سائیکل چھیننے کی وارداتوں میں ملوث ہیں۔ لیاری سے دو منشیات فروش گرفتار کرلئے گئے۔
