گلگت (نامہ نگار) ضلع دیامرکے علاقہ تانگیرکے گاؤں مشکے میں گھریلو جھگڑے کے نتیجے میں ایک ہی خاندان کے 4 افراد قتل ہوگئے۔ مقتول سوال اپنی بہو لینے کیلئے اپنے بھائی شرال کے گھر گیا جہاں کسی بات پر دونوں بھائیوں میں تکرار ہوئی اور اس دوران شرال نے فائرنگ کرکے اپنے بھائی سوال کو قتل کر دیا۔ اس دوران سوال کے بیٹے نے بدلہ لینے کیلئے انکے گھر کو آگ لگا دی جس کے نتیجے میں شرال اور اسکی بیٹی اور 10 سالہ بیٹا آگ میں جل کر جاں بحق ہوگئے۔