مونچھیں ایک فٹ 9 انچ لمبی ہیں نام گینز بک آف ورلڈ ریکارڈ میں درج کیا جائے: محمد غوث
پیرمحل(نامہ نگار) بڑی مونچھوں والے شخص نے نام گنیز بک آف ورلڈ میں درج کرنے کامطالبہ کر دیا۔ تفصیل کے مطابق درکھانہ روڈ پر واقع گائوں 321گ ب کھمان والی کا محمد غوث نے ’’نوائے وقت‘‘ سے ملاقات میں دعویٰ کیا کہ اسکی مونچھوں کی لمبائی ایک فٹ 9 انچ ہے جبکہ وہ روزانہ مذکورہ مونچھوں کو مکھن، دیسی گھی، سرسوں کا تیل لگانے کے ساتھ روزانہ اعلیٰ کوالٹی کے شیمپو سے دھوتا ہے تاکہ مونچھیں مزیدلمبی ہو سکیں۔ اگر دنیا میں اتنی بڑی مونچھوں کاکوئی اور مالک نہیں تو اس کا نام گینز بک آف ورلڈ میں درج کیا جائے ۔محمد غوث نے مزید بتایاکہ مونچھوں کی اتنی لمبائی کو تقریباً ڈھائی سال کاعرصہ لگا۔
