نئی دہلی: ’’ویلکم‘‘ کا جواب کیوں نہیں دیا؟ انتہاپسند ہندوئوں کا ایک اور غیرملکی پر تشدد
نئی دہلی (نوائے وقت رپورٹ) ’’ویلکم‘‘ کا جواب کیوں نہیں دیا؟ بھارت میں ایک غیرملکی کو انتہا پسندو ہندوئوں نے حملہ کرکے زخمی کردیا۔ اترپردیش میں سوئس جوڑے کے بعد ایک جرمن شہری کو تشدد کا نشانہ بنایا گیا۔ غیرملکی میڈیا کے مطابق مقامی انتہاپسند افراد نے ویلکم کا جواب نہ دینے پر جرمن شہری کو زمین پر گرایا اور تشدد کا نشانہ بنایا۔ پولیس نے حملہ آوروں کیخلاف شکایت درج کرکے انہیں گرفتار کرلیا ہے۔ واضح رہے گزشتہ ماہ بھی سوئس جوڑے کو تشدد کا نشانہ بنایا گیا تھا۔
