بدقسمتی ہے پارلیمنٹ احتساب کا مؤثر بل منظور نہ کرسکی: بلاول، ہفتے کو لاہور آئیں گے
اسلام آباد/ کراچی(آئی این پی + سٹاف رپورٹر) پیپلزپارٹی کے چیئرمین بلاول بھٹو زرداری نے کہا ہے کہ بدقسمتی ہے کہ پارلیمنٹ احتساب کا موثر بل پاس نہ کرسکی، بلاامتیاز احتساب کے بغیر موجودہ سیاسی نظام متنازعہ رہے گا۔ ان خیالات کا اظہار انہوں نے ٹویٹ میں کیا۔ علاوہ ازیں بلاول بھٹو زرداری ہفتے کو لاہور پہنچیں گے۔ بلاول جہانگیر بدر کی برسی کی تقریب میں شرکت کرینگے اور اتوار کے روز لاہور میں قیام کے دوران پارٹی رہنمائوں سے ملاقاتیں بھی کرینگے۔ کراچی میں بلاول بھٹو کی زیر صدارت پی پی سندھ ایگزیکٹو کمیٹی کا اجلاس ہوا۔ کمیٹی نے یوم تاسیس کی تیاریوں کے متعلق پارٹی چیئرمین کو بریفنگ دی گئی۔
