صرف نواز شریف صبر کامظاہرہ کررہے ہیں نا انصافی پر آواز تو اٹھے گی:مریم
لاہور (اے این این) مسلم لیگ (ن) کی مرکزی رہنما اور سابق وزیراعظم نواز شریف کی صاحبزادی مریم نواز نے کہا ہے کہ ناانصافی کے خلاف آواز تو اٹھے گی اور اٹھنی بھی چاہیے۔ صبر و تحمل کا مظاہرہ اگر کوئی کر رہا ہے تو وہ نواز شریف ہیں۔ سوشل میڈیا پر پیغام میں انہوں نے کہا کہ پاناما کیس میں سپریم کورٹ کے فیصلے کے بعد پہلی بار لوگوں نے انصاف کے نظام پر سوال اٹھایا ہے۔ اب کے لیے یہی کافی ہے ہم اس کام کو مستقبل کے لیے بھی سیٹ کر دیں گے۔ ناانصافی کے خلاف آواز تو اٹھے گی اور اٹھنی بھی چاہیے۔
