لاہور (سپورٹس رپورٹر+ نمائندہ سپورٹس)نیوزی لینڈ ویمن کرکٹ ٹیم نے دوسرے ٹی ٹونٹی میچ میں پاکستان کو 39 رنز سے شکست دیتے ہوئے سیریز اپنے نام کرلی۔ نیوزی لینڈ نے 8 وکٹ پر 151 رنز بنائے، سوفی ڈیوائن نے 70 اور کپتان سوزی بیٹس نے 52 رنز کی اننگز کھیلی۔ سعدیہ یوسف اور جویریہ خان نے 2,2 جبکہ نشرہ سندھو نے ایک وکٹ حاصل کی۔گرین شرٹس 7 وکٹ پر 111 رنز بنا سکیں، عالیہ ریاض 23، ناہیدہ خان 22، سدرہ امین 18، بسمعہ معروف 15 رنز بنا سکیں، ایمی سیٹرتھ ویٹ نے 2 جبکہ لی کیسرک، ہولی ہلڈلسٹن اور تھامسن نیوٹن نے ایک ایک کھلاڑی کو آوٹ کیا۔ سوفی ڈیوائن پلیئر آف دی میچ قرار پائیں۔