اوکاڑہ (نامہ نگار)بلاول بھٹو کا دورہ اوکاڑہ اچانک ملتو ی ہوگیا جس کے باعث وہ شادی کی تقریب میںشرکت نہ کر سکے۔پیپلز پارٹی ضلع اوکاڑہ کے صدر اور سابق وفاقی پارلیمانی سیکرٹری چودھری سجاد الحسن کی بیٹی کی شادی کی تقریب میں شرکت کیلئے بلاول بھٹو کراچی سے خصوصی طور ر لاہور آئے تھے۔ کل 11نومبر کو انہوں نے اوکاڑہ پہنچنا تھا لیکن سموگ کی وجہ سے ان کا طیارہ نہ اُڑ سکا جس پر انہوں نے بذریعہ سڑک اوکاڑہ پہنچنے کا فیصلہ کیا تاہم سیکورٹی کلیئرنس نہ ہونے کی وجہ سے نہ پہنچ پائے تاہم پیپلز پارٹی کی قیادت کے اہم رہنما اوکاڑہ پہنچ گئے جن میں قمر زمان کائرہ، ندیم افضل چن،چودھری منظور احمداور نیئر بخاری شامل ہیں۔ شادی کی تقریب میں پی پی کے سابق اور پی ٹی آئی کے موجودہ رہنما نذر محمد گوندل اور دیگر نے بھی شرکت کی۔
بلاول/ شادی