لدھیوالہ وڑائچ (نامہ نگار) کرپشن کے خلاف اور معذوروں کے حقوق کے لئے آواز بلند کرنے والا سپیشل اتھلیٹ کا سکھر پہنچنے پر والہانہ استقبال ڈھول کی تھاپ پر بھنگڑے ڈالے گئے اور پھولوں کی پتیاں نچھاور کی گئیں۔ تفصیلات کے مطابق ملک میں بڑھتی ہوئی کرپشن اور معذور افراد کے حقوق کے لئے ٹرائی سائیکل پر گوجرانوالہ سے مزار قائد کراچی جانے والا اسپیشل اتھلیٹ احتشام علی 9 دن میں 880 کلو میٹر کا سفر طے کر کے سکھر پہنچ گیا جہاں پر اہلیاں سکھر کی طرف سے احتشام علی کا شاندار استقبال کیا گیا اور پھولوں کی پتیاں نچھاور کی گئیں ۔