لاہور (سپورٹس رپورٹر+ نمائندہ سپورٹس) ٹی ٹونٹی کے سپیشلسٹ ویسٹ انڈیز بلے باز کرس گیل پاکستان سپر لیگ کے تیسرے ایڈیشن کا حصہ نہیں ہونگے۔ پی ایس ایل کے پہلے دو ایڈیشنز میں کرس گیل نے لاہور قلندر اور کراچی کنگز کی نمائندگی کی تھی تاہم دونوں ایونٹس میں کرس گیل کوئی خاص کارکردگی کا مظاہرہ نہیں کر سکے تھے۔ تیسرے ایڈیشن کے لئے پاکستان سپرلیگ کے کسی فرنچائزر نے ان کے نام پر غور نہیں کیا۔ کرس گیل پاکستان سپر لیگ کے پہلے دونوں ایڈیشن میں پلاٹینم کیٹگری میں رہے تھے۔