لاہورنمائندہ سپورٹس )نوجوان لیگ سپنر شاداب خان کے بعد برسبین ہیٹ نے لیگ سپنر یاسر شاہ کیساتھ بھی معاہدہ کر لیا ۔ برسبین ہیٹ کی انتظامیہ کے مطابق یاسر شاہ کا معاہدہ متبادل کھلاڑی کی حیثیت سے کیا گیا ہے اور وہ برینڈن میکلم اور شاداب خان کے متبادل ہوں گے۔ٹیسٹ کرکٹر سمیع اسلم کا کہنا ہے کہ یہ تاثر درست نہیں کہ میں صرف ٹیسٹ کرکٹ کے لیے موزوں ہوں۔ لسٹ اے میچز اور نیشنل ٹونٹی ٹونٹی ٹورنامنٹ میں میری کارکردگی سب کے سامنے ہے۔ میرا کام ہر فارمیٹ میں اپنی ٹیم کے لیے پرفارم کرنا اور ٹیم کی کامیابی میں اپنا کردار ادا کرنا ہے۔ کسی بھی سطح پر کسی بھی فارمیٹ میں میرے لیے اپنے انتخاب کو درست ثابت کرنا سب سے اہم ہوتا ہے۔ کارکردگی سے مطمئن ہوں۔ اہم بات رنز سکور کرنا ہے۔ کوشش ہوتی ہے ون ڈے، ٹونٹی ، ٹونٹی اور ٹیسٹ میچوں کو انکے تقاضوں اور ٹیم کی ضرورت کے مطابق کھیلا جائے۔