ثقافتی میلہ، فنکاروں نے پرفارمنس سے سماں باندھ دیا
لاہور(کلچرل رپورٹر) ایک روزہ ثقافتی میلے میں فنکاروں نے خوبصورت پرفارمنس سے سماں باندھ دیا۔ سلیمہ ہاشمی، عثمان پیرزادہ، سادان پیر زادہ، ایڈیشنل سیکرٹری کلچر پنجاب ثمن رائے، سمتھ سونین انسٹیٹیوٹ امریکہ کے ریسرچر رابرٹ پونٹسیان، محمد وسیم سمیت دیگر شخصیات نمایاں رہیں۔ فیسٹیول کا آغاز استاد سوہنا کی شہنائی پر ہوا ڈاکٹر تیمور نے سارنگی، استاد قمراللہ لوک نے پکھاوج اور اعجاز سرحدی نے سارندہ پر فن کا مظاہرہ کرکے پروگرام کی رونق بڑھائے رکھی۔
