روم (صباح نیوز) سسلین مافیا کی تاریخ میں باس آف دی باسز کے نام سے جانے جانے والے خطرناک ترین گاڈ فادر توتو رینا کینسر کے باعث انتقال کر گئے۔ رینا 26 سالہ قید کی سزا بھگت رہا تھا اور اس وقت کوما کی حالت میں تھا۔ دنیا کے خطرناک ترین گاڈ فادر کا انتقال 87 سال کی عمر میں شمالی اٹلی کے علاقے پرما کی ایک جیل میں قیدیوں کے ہسپتال کے میں ہوا۔ ایک غیر ملکی خبر رسان ادارے کی رپور ٹ کے مطابق سسلین مافیا کی تاریخ میں باس آف دی باسز کے نام سے جانے جانے والے خطرناک ترین گاڈ فادر توتو رینا کینسر کے باعث انتقال کر گئے۔ اپنی سفاکیت کی وجہ سے دی بیسٹ یعنی درندے کے نام سے مشہور توتو رینا کئی دہائیوں تک کوسا نوسٹرا نامی جرائم پیشہ گروپ کا سربراہ رہا۔ توتو رینا نے اپنے دور میں سب سے ہائی پروفائل قتل کے احکامات 1992 ء میں مافیا مخالف ججز گیووانی فیلکون اور پالو برسیلینو کے دئیے، جنہوں نے1987 ء میں 300 سے زائد جرائم پیشہ افراد کے ٹرائل شروع کرنے کے لئے کام کیا تھا۔توتو رینا سسلی اور اٹلی کے دیگر علاقوں میں سفاکانہ اقدامات کے ذریعے ایک پوشیدہ مافیا کے طور پر سامنے آیا جس نے سینکڑوں ہزاروں افراد کو قتل کیا۔ توتو رینا 16 نومبر 1930 ء میں ایک غریب کسان کے گھر پیدا ہوا اور فرانسس فورڈ کوپولا کی مشہور زمانہ ڈرامہ سیریز گاڈ فادر کے نام سے مقبول ہوا۔