لاہور(سپورٹس رپورٹر) پنجاب گالف ایسوسی ایشن کے جنرل کونسل اجلاس میں کور کمانڈر لاہور لیفٹیننٹ جنرل عامر ریاض اگلی چار سالہ مدت کے لیے صدر منتخب ہو گئے۔ گیریژن گالف اینڈ کنٹری کلب میں منعقد ہونے والے اجلاس میں اتفاق رائے سے عہدیداران کا انتخاب ہوا۔ دیگر منتخب ہونے والی میں لاہور گیریژن کے بریگیڈئر (ر) طاہر سلیم، ڈیفنس رعایا کلب کے بریگیڈئر (ر) سکندر حیات نائب صدور، ڈیفنس ریاعا گالف کلب کے شاہد وہاب رائے سیکرٹری جبکہ گیریژن کے کرنل فرحت کیانی خزانچی کے عہدہ پر منتخب ہوئے۔ ڈاکٹر عاصمہ افضل شامی اور میمونہ اعظم لیڈیز ممبر منتخب ہوئی۔ اس موقع پر ایگزیکٹو کمیٹی کا بھی انتخاب کیا گیا جن میں مقبول میکس بابری، ڈاکٹر ندیم جون، لیفٹیننٹ کرنل قاسم، میجر اختر عباس، کرنل مسعود الحسن ملک، اور خواجہ پرویز سعید جبکہ پروفیشنل گالفر زاہد سلطان شامل ہیں۔ اس موقع پر نو منتخب صدر پنجاب گالف ایسوسی ایشن لیفٹیننٹ جنرل عامر ریاض کا کہنا تھا کہ گالف کی ترقی کے لیے سب کو ملکر کام کرنا ہوگا۔ مشترکہ کوشش سے گالف کو اوپر لے جایا جا سکتا ہے۔