شیخوپورہ (نمائندہ خصوصی) ضلع کچہری میں بخشی خانہ میں بیٹے سے ملاقات کیلئے آنیوالی ماں سے ہیروئن برآمد ہوئی۔ بتایا گیا کہ محلہ رسولنگر کی ارشاد بی بی کا بیٹا منشیات کے مقدمہ میں جیل میں ہے، پیشی کے موقع پر بخشی خانہ میں اپنے بیٹے سے ملنے کیلئے آئی تو وہاں پر لیڈی کانسٹیبل نے اس کی تلاشی لی ارشاد بی بی نے روٹی میں ہیروئن چھپا رکھی تھی جو تلاشی کے دوران برآمد ہوگئی۔ سب انسپکٹر عمر دراز بھٹی نے خاتون کو تھانہ بی ڈویژن پولیس کے حوالے کردیا جہاں پر اس سے تفتیش جاری ہے۔