اسلام آباد (چوہدری شاہد اجمل) سینیٹ کے اجلاس کے دوران چیئرمین میاں رضا ربانی نے کاغذ پر لکھ کر قائد ایوان سینیٹر راجہ ظفرالحق کو پیغام بھجوایا، راجہ ظفر الحق نے پیغام پڑھ کر اپنی جیب میں رکھ لیا،چیئرمین سینیٹ نے کہا کہ کلثوم بی بی ’’اج تے موجاں ای موجاں ،اپوزیشن بھی آپ کی تعریفیں کر رہی ہے‘‘،کلثوم پروین بولیں چیئرمین آپ کی توجہ چاہئے جس پر چیئرمین سینٹ نے کہا کہ میرا ایک کان آپ کی طرف ہی ہے ،جمعہ کو سینٹ کے اجلاس میں سینیٹر کلثوم پروین اظہار خیال کر رہی تھیں کہ انہوں نے چیئرمین سینٹ کو مخاطب کرتے ہوئے کہاکہ آپ کی توجہ چاہیئے جس پر چیئرمین سینٹ نے کہا کہ میرا ایک کان آپ کی طرف ہی ہے ،کلثوم پروین بولیں نہیں آپ کا منہ دوسری طرف تھا ، اظہار خیال کے دوران کلثوم پروین نے کہا کہ گوادر میں اکنامک زون کو اتنی سی سڑک جا تی ہے جس پر چیئرمین سینیٹ نے اپنے ہاتھ سے اشارہ کرتے ہوئے پنجابی میں کہا کہ ’’اینی کر لئو‘‘کلثوم پروین نے کہا کہ’’ اینی کر لیندے آں‘‘۔چیئرمین سینٹ نے جب سینیٹر اعظم خان موسیٰ خیل کا مائیک بند کرادیا تو وہ بولے جناب چیئرمین تین چار فقرے اور پھر آ پ کو بلوانے کے لئے لوگ نہیں ملیں گے۔ اجلاس کے دوران سینیٹر ستارہ ایاز اور سینیٹر ثمینہ عابد آپس میں گفتگو کر رہی تھیں جس پر چیئرمین سینیٹ نے کہا کہ سینیٹر ستارہ ایاز اور سینیٹر ثمینہ عابدآپ کی تمام سیکرٹس میرے پاس پہنچ رہی ہیں جس پر دونوں خاتون سینیٹرز نے قہقہ لگا دیا ۔سینیٹر فرحت اللہ بابر نے سینیٹر کلثوم پروین کی تعریف کی تو چیئرمین سینیٹ نے کہا کہ کلثوم بی بی ’’اج تے موجاں ای موجاں ،اپوزیشن بھی آپ کی تعریفیں کر رہی ہے‘‘