پیرس (سپورٹس ڈیسک) ڈیوس کپ ٹائی کے فائنل میں فرانس نے بلجیم کے خلاف دو ایک کی برتری حاصل کرلی۔ میزبان فرانسیسی ٹیم دسویں ٹائٹل سے اب صرف ایک فتح کی دوری پر ہے۔ ڈبلز مقابلے میں رچرڈگیسکوئٹ اور پائیری ہربرٹ نے فرانس کو کامیابی دلوا کر دو ایک کی برتری دلا دی۔ فرانسیسی جوڑی نے روبن اور جورس ڈی لورے کو 1-3 سے ہرایا۔ پہلے میچ میں بلجیم کے ڈیوڈ گوفن نے فرانسیسی لوکاس کو ہرایا تھا جبکہ جو ویلفریڈ سونگا نے سٹیو ڈارکس کو ہرا کر ٹائی ایک ایک سے برابر کر دی تھی۔ فرانس کو ڈیوس کپ ٹائی کا دسواں ٹائٹل جیتنے کے لئے اب صرف ایک فتح درکار ہے۔