لاہور(سپورٹس رپورٹر+نمائندہ سپورٹس)پاکستان کا بڑا کارنامہ،پاکستانی کھلاڑی نے پن بائولنگ کا ورلڈ ریکارڈ برابر کرلیا۔علی سوریا نے بارہ بار سٹرائیک کرکے ٹرپل سنچری بنائی۔پاکستان کے بالرچھاگئے۔دوسرے بائولرز دیکھتے رہے اورعلی سوریا پنز گراتے رہے۔بارہ باریوں میں ہر بار دس کی دس پنز گرائیں اورسکور کی ٹرپل سنچری بناکرورلڈ ریکارڈ برابرکردیا۔کراچی کے علی سوریا دوسرے پاکستانی بائولر ہیں جنہوں نے یہ بڑا کارنامہ انجام دیا۔علی سوریا قومی چیمپئن بھی رہ چکے ہیں متعدد انٹرنیشنل ایونٹس میں پاکستان کی نمائندگی بھی کررکھی ہے۔ورلڈ بائولنگ ایرینا میں پاکستانی پرچم بلند کرنے کیلئے علی سوریا اپنی جیب سے خرچ کرکے ٹریننگ کرتے ہیں۔